Berê hefteyekê, ji Weşanên Na-yê du berhemên hêja ên derbarê dîroka me ya kevnar de, gihîştin ber destê min û min ew bi kêfxweşî xwendin. Ez bi xwendina wan, serbilind bûm, şanaz bûm…Her du berhem jî, bersivên xurt in li hember berovajîkirina dîroka me… Her du berhem jî, ezberên biyan û dagirkeran serobino dikin. Nêrînên împeryalîst û oryentalîst mehkûm dikin.Bi daneyên zanistî, bi awayekî akademîk, bi şîroveyên maqûl û di cî de, pêdivî û pêwîstîya nivîsandin û tomarkirina dîroka kurdan dîsa bi destê kurdan, nîşanî me didin. Ma ne, dem dema nivîsandina dîrokê ji hêla şêran ve ye… Û şêr, erka xwe ya dîrokî pêk tînin, Mala Xwedê ava…. Ez ê bixwe, demên pêşî de, van her du berheman wek çavkanî bi kar bînim û gelekî sûd ji wan bigirim, xwendevan jî bi vê yekê bigihîjin agahîyên nû û kêrhatî… Ez wekî xwendevanekî kurd, sipasîyên xwe ji her du nivîskar-lêkolîneran re pêşkêş dikim û malavahîya Weşanên NA-yê dikim. Weşanên NA-yê, van demên dawîyê, kar û xebatên gelekî pîroz pêk tîne, mala kedkar û xebatkarên wê, her û her ava be…. Silav û rêzên min ên ji dil, ji boyî wan heye… Bila her hebin….Not: Ez hêvîdar im, kurdîya berhema “Ji Gudea hetanî Sokratesî, Dîroka Azadîyê”, demek nêz de bête weşandinê… Wergera wê pêdivîyek e… ___________________WÊNE:1-) Nivîsarên Farsiya Kevn yên DariyûsAmadekar û wergera ji Farsiya kevn: Beyhanî Şahîn2-) Gudea’dan Sokrates’e Özgürlük Tarihi (Ji Gudea hetanî Sokratesî, Dîroka Azadîyê). Nivîskar İbrahim Tikan
Xerzî Xerzan https://www.facebook.com/XerziXerzan
